Eerlikheid geloof
2006-03-02
“BAIE ander jong seuns sou die selfoon gehou het of dit gaan verkwansel het vir ’n paar rand. Ek is trots op Ruwayne.”
Insp John Barties van Paarl-Oos polisie kan nie uitgepraat raak nie oor die eerlikheid van die 13-jarige Ruwayne Fortuin wat ’n duur selfoon by die polisiestasie ingegee het.
Ruwayne sê hy was Saterdag oppad na ’n vriend in Klein Drakensteinweg toe sy eie selfoon lui.
Met die uithaal daarvan, het dit per ongeluk uit sy broeksak geval. Dit was toe hy buk om dit op te tel, dat hy die duur selfoon op die grond sien lê het.
Ruwayne en sy pa is na Paarl-Oos polisiestasie om die foon te oorhandig. Die eienaar kan insp Barties kontak by 862- 6156.
More
News
|
