HJS atlete is baas
2006-03-02
DIE jaarlikse driehoekige byeenkoms wat voorverlede week op Coetzenburg gehou is, is vanjaar deur Hoër Jongenskool Paarl gewen.
HJS se 532 punte was genoeg om die spanne van Paul Roos (tweede met 491 punte) en Boland Landbou (derde met 453 punte) se neuse in die stof te vryf.
Die byeenkoms het ’n totaal van 19 rekords opgelewer.
Die plaaslike atlete wie se prestasies onder die beste 20 van die byeenkoms getel het, was Lionel Abrahams (HJS s.14 vs 6,14m OR 5,82m), Jacobus du Plessis (HJS s.16 200m 22,80s), Keenan Watson (HJS s.19 100m 10,70s OR 18,80s), Curt Ruiters (HJS s.15 100m 11,40s), Athenkosi Mpulwano (HJS s.14 vs 5,51m), Callie Carsten (HLB s.15 100m 11,50s), Adam van Heerden (HJS s.15 dg 47,53m), André Pieters (HJS s.14 200m 24,40s) en Benjamin de Kock (HLB s.14 100m 11,70s).
More
News
|
