Leer van met bye boer
2006-03-16
DIE Byeboerdery Winterskool word vanjaar aangebied gedurende April en Mei. Die meeste klasse word by die Elsenburg Landbou-instituut te Muldersvlei naby Stellenbosch aangebied.
Op 27 en 28 April word ope dae by die Houmoed Byeboerplaas in die Paardeberg gehou. Belangstellendes word op ’n toer geneem, met gepaardgaande inligtingsessies.
Die formele kursus strek oor vier dae (29 April, 6, 13 en 20 Mei).
Die kursus is oop vir almal en dek alle aspekte van byeboerdery - van ’n praktiese besoek aan ’n heuningkamer en bestuursaspekte, tot die fyner besonderhede van koninginteelt en bestuiwing.
Besprekings moet vooraf gedoen word.
Kursusgeld van R1500 is vooraf betaalbaar en sluit ligte etes en verversings in, asook alle kursusmateriaal.
Vir meer inligting, skakel Robert of Deborah Post by 971-1022.
More
News
|
