Windmeul Primêr hou sewes-toernooi
2006-03-23
LAERSKOOL sewesrugby-aksie is môreaand by Windmeul Primêr te sien wanneer die Danwell Demas Sewestoernooi in die Agter-Paarl afskop.
Rugbyspanne van agt skole sal vanaf 19:00 in aksie wees.
Benewens die gasheerskool sal spanne van die primêre skole Alfons, Orleansvale, Nederburg, St Albans, Wellington,
Kersboslaagte en Nieuwedrift teen mekaar kragte meet.
Die toernooi word deur die oud-leerder en SA Sewes Springbok, Danwell Demas, geborg en daar gaan gepoog word om dit ’n jaarlikse instelling te maak.
Demas, wat tans nie by die Springbok-Sewespan betrokke is nie, is deel van die Bulls-groep wat vandeesweek na Australasië toer vir die oorsese been van hul Super 14-veldtog.
Toegang is R5 en die eindstryd in die bekerafdeling sal om 21:30 afskop.
More
News
|
