Korrektiewe atlete oes medaljes
2006-03-23
ATLETE van die plaaslike Korrektiewe Dienste atletiekklubs het goed presteer tydens jaarlikse SA Korrektiewe Dienste Kampioenskap wat onlangs in Bloemfontein gehou is.
’n Groep van 39 beamptes van die Wes-Kaap het aan die byeenkoms deelgeneem.
Plaaslike atlete wat medaljes verower het, is Dawid Strauss (goud) en Dawid Marais (silwer) wat aan die meesters-afdeling van die 10km wedloop deelgeneem het.
Isaac Opperman (senior afdeling) het ’n silwer medalje verower in die 10km, terwyl Godfrey Hammers ’n silwer medalje ontvang het vir sy tweede plek in die veterane-afdeling van die 10km stap.
Nomzimasi Zweni het ’n goue medalje ingepalm vir haar eerste plek in die halfmarathon.
More
News
|
