Nog 'n rekord op Van Dyk se kerfstok
2006-03-23
DIE jaar kon nie op ’n beter noot vir die rolstoel-atleet, Ernst van Dyk (foto), afskop nie.
Die Paarliet het Sondag die rolstoel-afdeling van die Los Angeles Marathon in ’n rekord-tyd van 1 uur 24 minute en 48 sekondes afgelê.
Die Suid-Afrikaner het nie alleen die $3000 (sowat R19 000) prysgeld opgeëis nie, maar ook verseker dat hy vir die volgende vyf jaar ’n verdere $50 000 (sowat R317 000) sal ontvang omdat hy ’n nuwe rekord losgery het.
Die Meksikaan, Aaron Gordian, en Kurt Fearnley van Australië was tweede en derde met dieselfde tyd van 1:32,10.
Van Dyk se volgende groot mikpunt is ’n sesde agtereenvolgende sege in die Boston Marathon wat op 17 April gehou word.
More
News
|
