Jong rugbytalent meet kragte by HJS-toernooi
2006-03-30
DIE Paarl sal volgende week omtrent ’n miernes van skoolrugbybedrywighede wees, met beide die Hoër Jongenskool Paarl en Paarl Gimnasium wat toernooie aanbied.
Terwyl Gimnasium 28 o.16 spanne op sy velde ontvang (sien berig elders), speel HJS gasheer vir ’n o.15 toernooi waaraan 12 spanne (insluitende HJS) sal deelneem.
Dié toernooi skop Saterdagoggend om 09:30 af op die A- en B-Brugstraatvelde van HJS.
Die hoofwedstryd van die dag tussen HJS en Menlopark word om 14:30 gespeel.
Die skole wat in aksie sal wees is Duineveld, Jeppe, Dinamika, Paarl Gim, Glenwood, Boland Landbou, Monument, HJS, Menlopark, Dinamika, Punt, Noord-Kaap en ’n Boland Uitnodigingspan.
Die program vir die drie speeldae, is (Saterdag) 09:30 Duineveld t Jeppe, Dinamika t Punt, 10:45 Paarl Gim t Glenwood, Boland XV t Noord-Kaap, 12:00 Boland Landbou t Monument, 14:30 HJS t Menlo Park, (Maandag) 09:30 Boland XV t Menlo Park, Glenwood t Duineveld, 10:45 Punt t Boland Landbou, Dinamika t Jeppe, 12:00 HJS t Monument, 14:45 Noord-Kaap t Paarl Gim, (Woensdag) 09:00 Boland Landbou t Duineveld, Menlo Park t Noord-Kaap, 10:10 Jeppe t Punt, Boland XV t Dinamika, 11:20 HJS t Glenwood, Paarl Gim t Monument.
More
News
|
