Firma verneuk
2006-04-06
DIE polisie waarsku maatskappye om uiters versigtig te wees wanneer ’n beroep op hulle gedoen word om geld in ’n vreemde bankrekening te betaal.
’n Johannesburgse maatskappy het ’n klag van bestel-bedrog gelê by die polisie, nadat hulle uit R25 000 bedrieg is.
Fedglass, ’n maatskappy wat glasware vervaar-dig, het ’n bestelling vanuit die Paarl ontvang.
Die "kliënt" het vir hulle egter laat weet dat hy te veel geld in hul rekening betaal het vir die be-stelling, en gevra dat hulle ’n bedrag van R25 000 moet terugbetaal.
Fedglass het dit gedoen, maar hierna hulle fout agtergekom, toe dit blyk dat die oorspronklike betaling vervals was.
’n Soortgelyke voorval het die Drakenstein Munisipaliteit verlede jaar getref, toe hulle met R294 000 ingeloop is.
More
News
|
