Waardasies hoog
2006-04-06
DIE inwoners van Drakenstein het onlangs kennis ontvang dat hul eiendomme herwaardeer is. Besware moes teen 31 Maart ingedien geword het.
My eiendom se waarde het byna verdubbel sedert die vorige waardasie vyf jaar gelede. Beteken dit my eiendomsbelasting gaan met net soveel verhoog?
Belastingbetaler
Die munisipale woordvoerder reageer: Die vyfjaarlikse waardasies is deur 'n onafhanklike maatskappy gedoen en is gebaseer op markwaarde in Januarie 2004.
Al het jou waardasie verdubbel, sal jou eiendomsbelasting nie in dieselfde verhouding verhoog nie, omdat die sent in die rand waarteen eiendomsbelasting aangeslaan word, op 1 Julie (die begin van die nuwe finansiële jaar) na verwagting afwaarts aangepas sal word.
Die totale verhoogde inkomste uit eiendomsbelasting sal sowat 7,5% wees, dus behoort dit ook die gemiddelde verhoging vir huiseienaars te wees.
More
News
|
