Rose se dorings steek bewaarders
2006-04-06
DIE Rooi Rose van Young Gardens Rugbyklub het Saterdag hul seisoen ordentlik afgeskop met ’n 51-0 (29-0) oorrompeling oor Korrektiewe Dienste.
Gardens se drieë is deur Jeremy September, Davey de Kock, Loppie Hendricks, Morton Uren (2), Charl Hendricks, Ashley Jacobs en Christopher Fortuin gedruk.
Tino Prince was in die kol met vier doelskoppe en ’n strafdoel.
Gardens II het ewe oortuigend 27-0 gewen, met Joseph Dirkse, Graig Johnson, Jaco Pretorius en Roger Cupido wat drieë druk.
Anwar Daniels het met drie doelskoppe geslaag.
Gardens III kry vyf punte nadat Korrektiewe Dienste III laat opdaag vir hul wedstryd.
Saterdag speel Gardens tuis teen Hamediehs op Gardens Park.
More
News
|
