Riverstones bo teen Strand
2006-04-06
DIE jong span van Riverstones Rugbyklub het Saterdag in sy eerste wedstryd van die seisoen vir Strand Pioneers 22-16 geklop.
Die wedstryd het teen ’n vinnige pas begin en hoewel die tuisspan se voorspelers die bo-toon gevoer het, het Strand Pioneers teen die verloop van die spel, met rustyd 6-5 voorgeloop.
In die tweede helfte het Riverstones die bal begin wyd speel en met goeie voor- en agterspel ’n verdere drie drieë gedruk, om met ’n bonuspunt te seëvier.
Die tweede span moes egter met 3-0 die knie buig, terwyl Riverstones III ’n maklike vyf punte gekry het, toe die Strand-span laat opgedaag het.
Riverstones speel Saterdag weg teen Eersterivier en die busvervoer vertrek om 11:30 vanaf New Orleans.
More
News
|
