Roses blom vroeg
2006-04-06
AL drie spanne van Roses United Rugbyklub het Vrydagaand hul eerste ligawedstryde van die seisoen teen Darling gewen.
Die eerste span het op Pelikaanpark die besoekers met 44-14 (19-6) vermorsel.
Roses het met ’n goeie kombinasie van voor-en agterspel die wedstryd oorheers.
Voorlangs het die vastevyf hul kant gebring, met veral die losvoorspelers, Sebastian Hilpert, Franzel September en Ignatius Korabie wat telkens die oog gevang het.
In die agterlyn het die senter Alrich Muller puik gespeel.
Die wenspan se drieë is gedruk deur Hilpert (2), Korabie, Deon Williams (2, vleuel), Danie Roman (losskakel) en Clement Lewis (plaasvervanger-flank).
Roman was suksesvol met vyf doelskoppe en drie strafdoele.
Roses speel môreaand weg teen Rawsonville. Die bus vertrek om 17:30 vanaf Claasenstraat.
More
News
|
