Skuldigbevinding ná betaling
2006-04-26
DIT was so hittete of ’n verkragter het losgekom omdat ’n Paarlse streekhoflanddros sewe maande lank nie betaling ontvang het nie.
Landdros Johan Beyers het geweier om uitspraak te gee in die verhoor van Isaac Cedras (41), die “station stalker” van Ocean View.
“Na suksesvolle onderhandeling,” sê Beyers, het hy verlede week uiteindelik sy salaris van die Departement Justisie ontvang en is Cedras Maan- dag op 24 aanklagte skuldig bevind.
Hy sal hierdie week nog gevonnis word op ’n aanklag van verkragting, vryheidsberowing, 11 van onsedelike aanranding, die besit van ’n ongelisensieerde vuurwapen en die rig van ’n vuurwapen.
Twee ander verkragtingsake wat deur Beyers in die Paarl streekhof verhoor word, is ook vertraag omdat die landdros nie betaling ontvang het nie. Ook dié sake sal nou normaal voortgaan.
More
News
|
