Gesoek: beste sakelui
2006-05-11
DIE Paarl Sakeman van die Jaar word tydens ‘n dinee op 6 Junie aangewys deur die Paarl Sakekamer. Die kompetisie bevorder entrepreneurskap en ‘n sukseskultuur asook ‘n diensgeoriënteerde sakesektor. Inskrywings sluit op 23 Mei.
Alle plaaslike diens, handels- of nywerheidsondernemings wat ‘n produk of ‘n diens lewer, kan deelneem.
Deelnemers moet ‘n volledige uiteensetting gee van hul besigheid gemeet aan prestasie (groei in omset/wins, werkskepping, markaandeel en innovering). Ook van belang is die sukses as sakeleier (kliëntediens, visie/missie, personeelbeleid, bestuur, bemarking) en gemeenskapsbetrokkenheid.
Vir navrae, kontak Ritz de la Bat 860-1240 of Jaco Kruger 872-9504. Stuur inskrywings na Posbus 484, Paarl 7620 of opportun @mweb.co.za.
More
News
|
