Motorwassers vas
2006-05-18
SES onwettige motorwassers is verlede naweek in hegtenis geneem op Jan Phillipsplein in die Paarl, vir handel dryf sonder ’n munisipale permit.
’n Woordvoerder van die polisie het gesê dat hulle tans ook ’n doelbewuste poging aanwend om toe te slaan op diegene wat handel dryf sonder permitte.
Sy het gesê dat hulle daagliks talle klagtes van die publiek ontvang wat deur dié mense lastig geval en geïntimideer word deurdat hulle juweliersware, vrugte en parfuum in die strate probeer verkwansel.
Die ses motorwassers is elk met R150 beboet voordat hulle vrygelaat is.
Die polisie wil graag ’n beroep op die publiek doen om nie die onwettige gedrag in die middedorp te ondersteun nie.
More
News
|
