Stones klop Raithby goed
2006-05-18
NA ’n rukkerige begin het Riverstones Saterdag tog daarin geslaag om Raithby 16-12 te klop.
Die Paarliete het maar gesukkel om aan die gang te kom, wat daartoe bygedra het dat die besoekers teen rustyd 9-6 voorgeloop het.
In die tweede helfte het die tuisspan egter met meer doelgerigtheid gespeel en Raithby in hul halfgebied vasgepen.
Riverstones se stelskopper het gesukkel om sy visier gestel te kry en vier strafskoppe na die pale gemis.
Hilton Green het sy gebruiklike drie gedruk terwyl Delano Hoffman ook ’n vyfpunter behaal het.
Gershwin Paulse was in die kol met ’n strafdoel terwyl Cheslyn de Bruyn ’n skepdoel behaal het.
Die tweede span het 7-8 verloor terwyl die derde span ’n tegniese sege behaal het, nadat hul teenstanders nie opgedaag het nie.
Riverstones speel Saterdag weg teen Blue Downs. Die bus vertrek om 11:30 vanaf New Orleans.
More
News
|
