Geskiedkundige wen vir WP-stoeier
2006-05-25
’n GROOT eer het amateurstoei in die Westelike Provinsie te beurt geval toe een van sy lede ’n goue medalje verower het tydens die onlangse Afrika-Stoeikampioenskap in Pretoria.
Coenraad de Villiers van die Durbanville Stoei-Akademie en ’n oud-leerder van Labori het goud verower in die 84kg vrystyl-afdeling vir senior mans.
Dit is die eerste keer in sy meer as honderdjarige bestaan dat die Westelike Provinsie ’n Afrika-stoeikampioen oplewer.
Suid-Afrika het in 2000 laas ’n goue medalje op dié prestige toernooi
gewen.
Stoeiers van 15 lande was vanjaar tydens die toernooi in aksie.
Die Durbanville Stoei-Akademie het drie stoeiers in die SA-span gehad, die meeste van alle klubs.
More
News
|
