Manne moet hul bates beskerm
2006-06-01
DIE Kankervereniging van Suid-Afrika (Kansa) moedig mans aan om hulle testikels te ondersoek vir knoppe en om ’n prostaattoets te laat doen.
Van puberteit to 45-jarige ouderdom moet mans maandeliks hulle eie testikels ondersoek vir knoppe so groot soos ’n ertjie, wat testikulêre kanker kan aandui.
Mans ouer as 50 jaar behoort jaarliks ’n bloedtoets te laat doen vir prostaatkanker - die mees algemene kanker onder Suid-Afrikaanse mans.
Hoe vroeër die kanker opgespoor word, hoe beter die kanse op volkome herstel.”
Een uit elke 24 Suid-Afrikaanse mans sal prostaatkanker kry.
Behandeling kan hormoon- of chemoterapie, bestraling of chirurgie behels. Geneeshere kan ook ’n digitale rektale ondersoek doen om te bepaal of die prostaat knoppe het, of ongewoon in grootte of vorm is.
Mans ouer as 50 jaar kry gewoonlik prostaatkanker, maar as jou broer, oom of pa prostaatkanker het, beveel Kansa aan dat jy reeds vanaf 40-jarige ouderdom toetse ondergaan.
As dit nie behandel word nie kan dit mettertyd na ander liggaamsdele versprei.
Vroeë gevaartekens sluit in as jy dit moeilik vind om te urineer; meer dikwels as gewoonlik moet urineer, veral snags; as dit moeilik is om te begin of op te hou urineer.
Laat simptome sluit in bloed in die urine; pyn of brandsensasie
tydens blaaslediging; pyn in die laerug, bobene of pelviese area.
Vir navrae, skakel Kansa tolvry by 0800 22 66 22 of Mareé Lambrechts by Kansa (876-3589).
More
News
|
