Boland rolbal-finaal kom Drakenstein toe
2006-06-01
DIE Boland streeksfinaal van die gewilde Spar Vroue Pare Rolbalkompetisie vind hierdie naweek vir die eerste keer op rolbalbane in die Drakensteinvallei plaas, wanneer 12 spanne vanoor die hele distrik sake gaan uitspook.
Die kompetisie begin Saterdag om 09:00 op Wellington, vanwaar dit Sondag na die KWV se klubbane skuif.
Tradisioneel is dié streekseindstryd op Worcester gespeel.
’n Span van elk van die gasheerklubs sal ook in aksie wees, met die kombinasie van Marina van Wyk en Dorothy Boucher wat Wellington se vaandel hoog sal wil laat vlieg.
Spanne van Clanwilliam, Lutzville, Vredenburg, Velddrif, Worcester, Robertson, Hermanus, Caledon, Villiersdorp en L’ Agulhas sal ook in aksie wees.
Die uiteindelike wenner gaan in November vir ’n week by Wild Coast Sun rolbal speel teen die ander distrikte se wenners landwyd.
Die Spar-kompetisie is reeds sedert 1996 een van die hoogtepunte
op vrouerolbalspelers se kalenders.
More
News
|
