Polisie-beamptes beseer in botsing
2006-06-08
TWEE polisie-beamptes is Sondagaand beseer toe hulle in ’n ongeluk in Jan van Riebeeckweg, Paarl betrokke was.
Die ongeluk het omstreeks 18:00 plaasgevind op die hoek van Jan van Riebeeckweg en Lady Greystraat.
Konstabels Oscar Goedeman en Ivor Cupido was op roetine-patrollie tydens die botsing.
Volgens ooggetuies het ’n Toyota Tazz wat in die rigting van Wellington onderweg was, teen die polisievoertuig gebots.
Die slag was so hard dat die polisievoertuig twee keer gerol het.
Konst Cupido is met nekbeserings in Paarl Medi-Clinic opgeneem, en konst Goedeman is kort na behandeling daar ontslaan.
’n Woordvoerder van die Polisie het gesê dat ’n saak van nalatige en roekelose bestuur ondersoek word.
More
News
|
