Gardens gly teen St Georges
2006-06-15
DIE Rooi Rose van Young Gardens Rugbyklub het Saterdag op die laaste skiet gegee en so vir St Georges ’n 13-11 sege besorg.
Die toeskouers op ’n volgepakte Gardenspark moes toekyk hoe die tuisspan wat rustyd 11-3 voorgeloop het, in die doodsnikke gekelder word, nadat St Georges gaan druk het.
Die Rooi Rose sou egter brom-brom van die veld gestap het, en spesifiek ’n vuilkyk of twee in die rigting van die skeidsregter gegee het.
Gardens is telkens gestraf sodra hulle in hul teenstanders se gebied inbeweeg het.
Die Paarliete se punte is deur Tino Prince (twee strafdoele) en Christopher Fortuin (drie) aangeteken.
Die tweede spanne het 6-6 gelykop gespeel terwyl Gardens III 20-17 verloor het.
Saterdag kom Gardens op sy tuisveld in ’n maak of breek wedstryd teen die huidige ligavoorloper, Silverleaf, te staan.
More
News
|
