Pniel Villagers behaal goeie sege
2006-06-15
DIE manne van Pniel Villagers het Saterdag daarin geslaag om in ’n moeilike wegwedstryd vir Primrose 15-14 te klop.
Die besoekers kan hulself gelukkig ag dat hulle dié een gewen het, aangesien dit seker die swakste vertoning is wat hulle tot dusver dié seisoen gelewer het.
Verskeie swak opsies is uitgevoer, veral deur die agterspelers, met die gevolg dat die hele span onder druk geplaas is.
As in ag geneem word dat Pniel Villagers binne die eerste tien minute sonder moeite 10-0 voorgeloop het, dan het hulle beslis sake onnodig vir hulself bemoeilik.
Garland Alberts en Jonathan Daniels het goed vertoon.
André Moses en Eugene Francis het vir Pniel gedruk, met Les Boonzaaier wat suksesvol was met ’n strafdoel en doelskop.
Pniel Villagers speel Saterdag tuis teen Hands & Hearts.
More
News
|
