Stoumann lyk goed in Engeland
2006-07-06
Die driekamp-atleet, Martie Stoumann van die Paarl, het goed presteer by ’n kompetisie wat onlangs in Engeland gehou is.
Stoumann was die vierde vrou oor die wenstreep en het ’n goue medalje in haar ouderdomsgroep van 35-39jr ontvang.
“Die roete self was maar hard en die kompetisie nog taaier,” sê Martie.
“Ons het ’n kort-afstand resies afgelê, wat bestaan het uit 750m swem, 28km fietsry en 5km hardloop.”
Martie het die heuwelagtige fietsryroete in 50 minute voltooi. Die aanskoulike veldloopskof het haar 24 minute en 30 sekondes
geneem om klaar te maak.
Sy het die wenstreep na 1 uur en 30 minute oorgesteek, vyf minute later as die algehele vrouewenner.
“Dit was ’n ongelooflike ondervinding en beslis die moeite werd om dit te kon ervaar,” het Stoumann gesê.
More
News
|
