Beamptes moet oë oopmaak
2005-03-04
BY die onlangse Laerskole atletiekkampioenskappe te Dal Josafat-stadion, terwyl ek op die pawiljoen gesit het, het iets baie snaaks gebeur gedurende die naellope-items.
'n Dogter van Paulus Joubert Primêr het deelgeneem aan die 80m hekkies en het tweede geeïndig, maar volgens die beamptes by die eindstreep het sy nie plek gekry nie.
Ek het onmiddellik mnr Gertse van die betrokke skool ingelig en aan hom gesê dat almal kon sien dat sy tweede geeïndig het. En, toe die beamptes weer na die kamera-uitslae kyk sien hulle dat sy wel tweede was.
Ek wil net aan die beamptes sê: julle maak die kinders se gevoelens seer met jul snaakse beslissings. Kry vir julle plaasvervangers wanneer dit etenstyd is en maak oop julle oë, ons ouers en toeskouers is nie blind nie.
Bekommerde ouer
More
News
|
