Van Dyk proe weer goud op rekordwyse
2005-04-21
DIE rolstoelatleet, Ernst van Dyk, van die Paarl het Maandag ’n soveelste rekord agter sy naam geskryf toe hy die rolstoelafdeling van die Boston Marathon vir ’n vyfde agtereenvolgende keer gewen het.
Van Dyk wat ook tydens verlede jaar se Paralimpiese Spele ’n silwermedalje in die 1500m verower het, het die wedren in ’n tyd van 1:24:11 gewen, meer as ses minute voor die oud-Suid-Afrikaner en naaswenner, Krige Schabort.
Van Dyk het verlede jaar ’n rekordtyd van 1:18:27 in die Boston Marathon opgestel.
Die Switser, Franz Nietlispach, het al ook die wedloop vyf keer gewen maar nie agtereenvolgend nie.
Die 32-jarige Van Dyk het ook vroeër vandeesweek die Paryse Marathon in ’n tyd van 1:32:15 gewen, en slegs ’n enkele sekonde voor die Meksikaan Saul Mendoza klaargemaak.
More
News
|
