Songs of Praise
2006-08-17
SONGS of Praise word vanjaar op Sondag 20 Augustus om 15:00 in die Toringkerk in die Paarl aangebied.
’n Gekombineerde koor van ongeveer 320 lede sal onder leiding van die bekende Richard Cock verskeie geestelike koorwerke uitvoer.
Van die werke is The Battle Hymn, Amazing Grace en die baie gewilde Highland Cathedral saam met ’n doedelsak-speler.
Die koor sing ook enkele aangrypende Afrika geestelike liedere, bygestaan deur ’n baie jong swart tenoor, Makara.
Die koor word begelei deur die Cape Town Brass, klavier en natuurlik die indrukwekkende pyporrel van die Toringkerk.
Getrou aan sy gebruik, betrek Richard Cock ook die gehoor deurdat hulle ook verskeie van die liedere wat op die program is saam met die koor sal sing.
Die uitvoering duur tot ongeveer 17:00. Kaartjies kan by die deure gekoop word teen R50 elk, by die Toringkerkkantoor, of by Ink-Net in Lady Greystraat. Daar is ook kaartjies by Computicket teen R65 beskikbaar.
More
News
|
