Hugenote gee Swartland opdraande
2006-08-17
DIE eerste rugbyspan van Hoërskool Hugenote het Saterdag ’n naelskraap 13-10 sege oor Hoërskool Swartland behaal in dié twee skole se jaarlikse interskole-kragmeting.
Hugenote het die wedstryd met hake en stote begin.
Swartland het vroeg reeds gewys waartoe sy agterlyn in staat is, toe daar vroeg in die linkerkantse hoek gaan druk is.
'n Tweede drie in die eerste helfte het die gevaarligte vir die Hugenoters laat aangaan. Die tuisspan het egter koelkop gebly en danksy 'n drie deur Jaco van Niekerk in die tweede helfte asook die doelskop en twee strafskoppe deur die kaptein en senter, Henk de Villiers, het die Hugenoters die knoop deurgehak.
More
News
|
