Glansryke wyntoerisme-wedstryd
2006-08-24
WYNTOERISME in die Kaap gaan in die kalklig staan tydens die Great Wine Capitals Global Network Awards wat ‘n reeks wyntoerisme-kategorieë dek.
Dié uiters gesogte toekennings is ingestel ter aanmoediging van hoër standaarde en vernuwing in wyntoerisme in agt streke die wêreld oor wat reeds vir hul bydrae tot wynuitnemendheid en wynkultuur erken word: Bilboa-Rioja, Bordeaux, Kaapstad, Florence, Melbourne, Mendoza, Porto en San Francisco-Napa Valley.
Kaapstad is sedert 2003 ‘n lid van die netwerk, en maak gereed om nou vir die die vierde keer deel te neem. Inskrywings sluit einde Augustus.
Die plaaslike wenners word in Oktober aangekondig en die internasionale wenners op 16 November by ‘n glansgeleentheid in Mendoza, Argentinië.
Die kompetisie, wat sonder winsbejag bedryf word, geniet die volle steun van Suid-Afrika se wynbedryf en plaaslike owerhede. Besoek winenews.co.za of skakel Wosa 883-3860.
More
News
|
