Plaaslike kelders skitter
2006-08-24
TWEE wynkelders van die Drakenstein-gebied het weereens vanjaar die naam van dié streek hoog gehou by die SA Jongwynskou.
Die plaaslike wynreus, Boland Kelder, het die louere ingepalm vir die kampioen Chenin Blanc, terwyl Wellington Wynkelder weggeloop het met die trofee vir die beste Chardonnay.
Dit is weereens ’n bewys dat dié gebied nie net bekend staan vir sy Shiraz nie, maar ook vir uitmuntende witwyne.
Die Breedekloof wynmakerye, net anderkant Dutoitskloof, het vanjaar uitgeblink en het talle toekennings opgeraap.
Badsberg Kelder het koning gekraai as die wenner van die Pietman Hugo-trofee vir die meeste punte met vyf inskrywings.
Hulle het ook weggestap met die SA Kampioenskapstrofeë vir hul wit versnitwyn (Chardonnay/Che- nin Blanc) en natuurlike soet witwyn en muskadel (Rooi Muskadel en Jerepigo).
Groot Eiland, ook in die Breedekloof, se Merlot/Ruby Cabernet versnitwyn is as die 2006 SA Kampioen Jongwyn aangewys, en het sodoende die gesogte Generaal Smuts-trofee gewen.
More
News
|
