Hande vir lente
2006-08-31
VERGEET blomme. Hierdie lente koop en gee mense hande. Hande versier en bygewerk deur van Paarl en omgewing se voorste kunstenaars om vroue van die vallei op te hef en keuses te bied.
Môre van 17:00 af kan alle belangstellendes by Laborie restaurant gaan koekeloer na ’n uitstalling van om en by 50 hande geskenk deur kunstenaars. Om 19:00 veil Alistair Brown die hande op vir Ahos se vaardigheidsentrum.
Hier is ’n kans om ’n eenmalige hand te bekom en vroue wat slagoffers is van huishoudelike geweld ’n kans te gee om hulself te help.
Kunstenaars wat deelneem, is onder andere Selwin Pekeur, Tilly van Huyssteen, Winnie Eaton, Pieter Vil-joen, Hester de Vos, Adriaan Oosthuizen, Hannah Perlotto, Fred Liebenberg, Jeanne Hendriks, Sandi Esau, Nina van der Westhuizen, Nicolaas Maritz, Jeanne Visser, Janna Kruger, Winnie Barnard, Frank Ross, Andre Knoe-sen, Charles Haupt, Mieke Henning, Shany van den Berg, Tertia du Toit, Liz Lacey, Alla le Roux en Elsa Valentine.
Navrae by Trudy Oosthuizen, 082-896-9863.
More
News
|
