Gardens aan wenkant
2006-09-07
GARDENS het Saterdag vir Langa met 29-19 geklop. Die rustydtelling was 15-12 in Gardens se guns.
Gardens se agterlyn met die 18-jarige Justen van Schoor, het net te veel skietgoed vir Langa gehad. Die oorgawe en vertroue waarmee die agterlyn gespeel het, was ’n lus om te aanskou.
Alle bewegings was met spoed uitgevoer en die ervaring van die losskakel, Davey de Kock, het vir die agterlyn die nodige ruimte geskep.
Sy posisionele spel was goed en die manier hoe hy die jong spelers aangemoedig het, was uitstaande.
Drie-drukkers was Justen van Schoor (13) met een drie en Ashley Jacobs (14) met twee drieë ook speler van die wedstryd. Randall George (12) druk een drie, drie doelskoppe en ’n strafskop.
Ander uitblinkers was Marco Janjalo, David Philander en Isaac de Jager.
Gardens lê tans derde en speel Saterdag teen St Georges in die Strand - die ligavoorlopers. Die bus vertrek om 12:00.
More
News
|
