Standards vier 115 jaar bestaan
2006-09-21
YOUNG STANDARDS RUGBYKLUB se feesprogram ter viering van sy 115de bestaansjaar skop môreaand af met ’n wedstryd tussen die derde spanne van Standards en Albions. Dit sal gevolg word deur 'n wedstryd tussen 'n Paarl en Standards veteranespan.
Elke deelnemende klub sal minstens vyf oud-spelers van weleer beskikbaar stel en tesame met Ivan Jacobs (Kylemore), Trevor Adams (Villagers), Adan Stouman, Jeff van Schoor (Gardens) sal die Paarl Veterane ’n gedugte span wees.
Die hoofwedstryd is tussen die tweede spanne van Standards en Albions. Hekke open om 17:30.
Saterdag se verrigtinge begin om 09:00 met wedstryde tussen die junior spanne van Standards, Allandale, Young Peoples en Violets. Toegang is R5.
Om 13:30 begin die eerste span wedstryde tussen Allandale en Riverstones, Windmeul en Young Peoples, Violets en Laer Paarl, asook Young Standards en Albions.
In Young Standards se ganse bestaan sal dit slegs die tweede keer wees dat Albions en Standards kragte meet en groot belangstelling heers vir die wedstryd.
Etes en ’n springkasteel sal ook beskikbaar wees.
’n Oor 35 en Oor 40 span van Young Standards sal ook in aksie wees.
Belangstellendes kan Saterdag nog aantree om deel te wees van die wedstryd.
Standards het Saterdag in sy laaste ligawedstryd van die seisoen vir Riverstones 24-5 geklop.
Standards druk drie drieë aan die hand van Monreagan Jacobs, Henley Goliath en Devan Francis, teenoor Riverstones se een deur Lance Benjamin. Rico Davey slaag met 'n doelskop en twee strafdoele.
Standards II wen 17-5 en eindig tweede in hul liga terwyl Standards III ook 18-3 wen.
More
News
|
