Jongste jukskei-witjas in WP aangewys
2006-10-05
’n Graad 10-leerder van die Hoërskool Labori, Paarl, is die jongste Jukskei-skeidregter in die WP.
Dehana Rust verteenwoordig die WP jaarliks sedert 2002 by die SA Junior Jukskeikampioenskap op Kroonstad waar sy in Julie 2005 gekies is tot die SA- Akademiespan wat in Augustus verlede jaar ’n toer na Gauteng onderneem het.
Na afloop van die SA Junior Kampioenskap is sy ook aangewys as een van die vyf beste o.16 meisiespelers in Suid-Afrika.
Na ’n teoretiese en praktiese eksamen in April, kwalifiseer sy as ’n C-vlak skeidsregter.
Volgens Willie Collins, voorsitter van die WP Skeidsregtersvereniging, is daar tans slegs agt junior spelers in Suid-Afrika wat hierdie prestasie behaal het.
Dehana is tans die jongste gekwalifiseerde skeidsregter vir juksie in die WP en Boland.
More
News
|
