Vyf vas oor wieldoppe
2006-10-12
'n VERMEENDE sindikaat diewe is die afgelope naweek vasgetrek nadat die polisie inligting ontvang het oor wieldoppe wat by Renault se vertoonkamer in Suider-Paarl verdwyn het.
Stefan de Jager (21), Oriet Hugo (30), Francois Visser (19), Nico Visser (24) en Marindi Visser (20), almal van die Paarl, is in verband met die diefstal van die wieldoppe gearresteer.
Dit is nou vasgestel dat al vyf dié persone verbind word met nog vyf ander sake van huisbraak en diefstal vanuit motorvoertuie.
Almal het in die hof verskyn en is op borgtog vrygelaat, behalwe vir De Jager wat reeds verskeie kere in hegtenis geneem is vir diefstal. Hy verskyn weer Maandag in die Paarl Landdroshof.
’n Klopjag is verlede week deur die polisie uitgevoer op die huis in Nuwe Vleistraat waar Hugo woon, nadat die polisie inligting ontvang het dat Tik vermoedelik daar vervaardig word.
More
News
|
