Groot naelloop-stryd kom
2006-10-19
DIT lyk of die kompetisie vir vinnigste 100m in die Boland volgende jaar baie straf gaan wees.
Die Paarl-atleet, Gueron Kulsen van Noorder-Paarl Sekondêr, het tydens Saterdag se tweede en laaste Boland Atletiek Talent-Identifiseringsbyeenkoms op die Daljosafat Stadion, die 100m vir s.19 in 10,70s afgelê.
Dit volg op sy tyd van 10,60s wat hy verlede Saterdag opgestel het,
en dui aan dat hy beslis ’n groot aanspraakmaker is om nie net die goud in die Boland te wen nie, maar ook by die SA Kampioenskap.
Kulsen sal egter moet rekening hou met Dayne Lekay en Wilhelm van der Vyver wat vanjaar die goud gewen het in die 100m vir onderskeidelik seuns 17 jaar en 19 jaar tydens die SA Junior Kampioenskap.
Nog ’n skitterprestasie Saterdag, was dié van Antonio May van Klein Nederburg Sekondêr.
May het die 1500m Hindernis-wedloop in ’n tyd van 4:31,50 gewen wat vanjaar een van die vinnigste tye vir dié item is.
More
News
|
