Webwerf help wynmakers
2006-10-26
SUID-AFRIKAANSE wynmakers vind die nuwe webwerf van GrapelineSA, wat wynmakers en verskaffers vinnig en maklik bymekaarbring, van groot hulp.
“Ons word toegegooi met registrasies sedert die webwerf in Junie aanlyn gekom het,” sê Charles Whitehead, Hoofbedryfsbeampte van GrapelineSA.
“Wynmakerye en professionele persone wat ongeveer 90% van die handelsverkeer met verskaffers van produkte en dienste verteenwoordig het reeds geregistreer en gebruik die inligtingstelsel aktief.”
“Dit help beslis om die ‘soek’ makliker en vinniger te maak”, sê Charl O’Neill, Logistieke Bestuurder van Westcorp International. “En ‘n moet vir alle aankopers, wynmakers en wyndruif produsente.”
Robertson Wynkelder sê ook dat dit uitstekend is en werk makliker maak.
Gerhard du Toit, wynmaker van Annandale, sê op sy beurt dat dit ‘n goeie sentrale plek is om iets of iemand op te spoor. “Alles is lekker bymekaar.”
“Die afdeling oor relevante en waarde-toevoegende wynbedryf inligting is baie gewild,” sê Chris Zietsman, Voorsitter. “Verskaffers van produkte en dienste kan op ‘n innoverende wyse adverteer met die wete dat dit effektief op hul teikenmark fokus.”
Jacques du Toit, hoofbestuurder van McGregor Wynkelder, Fred Botha, aankopebestuurder van KWV en Pieter Badenhorst, wynmaker van Nederburg, stem almal saam dat hierdie omvattende soek-, advertensie- en inligtingwebwerf iets is wat die wynbedryf al lankal moes gehad het om produsente en verskaffers vinnig en op ‘n maklike wyse bymekaar te bring.
“Dit is ‘n moet vir ons markplek,” sê Francois Conradie, wynmaker van Muratie.
Vir verdere inligting, kontak Charles Whitehead by 083-414-7207 of per e-pos charles@grapeline.co.za
More
News
|
