Vriende verdrink
2006-11-02
TWEE vriende het die naweek in ’n plaasdam in Groot Drakenstein verdrink - die eerste verdrinkings van die somerseisoen in die Vallei.
Peter John Delport (19) en Alfonso Randall Samuel (29) het Sondagmiddag by ’n dam gaan afkoel op die plaas Tregurthen, waar hulle woon.
Volgens ’n polisiewoordvoerder het Peter omstreeks 17:20 in die moeilikheid beland terwyl hy geswem het.
Alfonso het ingespring om hom te red, maar het self onder die water verdwyn.
Die liggame van die twee mans is Maandagoggend deur polisieduikers uit die dam gehaal.
More
News
|
