Tussenverkiesing
2006-11-09
’n TUSSENVERKIESING word in Wyk 23 (Denneburg-gebied, Paarl) beoog ná die bedanking van DA-raadslid Marna van Eeden.
Nominasievorms is by die kantoor van die Munisipale Kiesbeampte in die Paarlse stadsaal beskikbaar.
Nominasies sluit op 21 November om 17:00 en moet vergesel wees van ’n bankgewaarborgde tjek van R500.
Onafhanklike kandidate moet ook handtekeninge van 50 geregistreerde kiesers in Wyk 23 saam met die nominasievorm inhandig.
Indien meer as een nominasie ontvang word, sal die tussenverkiesing op 6 Desember gehou word. Stemlokale is William Lloyd Primêre Skool en Boy Scoutsaal, Klein Parys.
Meer besonderhede kan by 872-8213 verkry word.
More
News
|
