Gholfdae ten bate van Kansa
2005-05-05
DIE Kankervereniging van Suid-Afrika (Kansa) & Sanlam bied, met die ondersteuning van die Paarl en Wellington Gholfklubs gholfdae aan as deel van ’n nasionale “SonSlim is Kansa Slim”-bewusmakingsveldtog.
Die Paarl Sanlam Kanker-uitdaagreeks (vroue) vind op Dinsdag 10 Mei plaas, met die Wellington Sanlam Kanker-uitdaagreeks (gemeng) op Saterdag 14 Mei en die Paarl Sanlam Kanker-uitdaagreeks (mans) op Saterdag 21 Mei.
Die geld wat met hierdie toernooi ingesamel word, sal gebruik word vir die stryd teen kanker en meer spesifiek voorligting oor Kansa, slim leefstyl-keuses en ander dienste wat Kansa in die Paarl- en Wellington-omgewing aanbied.
Navrae oor die gholfdae, kan gerig word aan Niel Laubscher, 083-629-4412 of e-pos: niellaubscher@ sanlam4u.co.za
More
News
|
