Groot planne vir stadion
2006-11-23
UITBREIDINGS van R100 miljoen word beoog aan die Wellington sportstadion met die oog op die Sokker Węreldbeker, indien ’n bod aan die Drakenstein-gebied toegeken word.het geblyk by die funksie van die Wellington Sakekamer wat verlede week gehou is.
Die spreker, Jackie Abrahams (president van Boland Rugby), het verduidelik dat daar tans onderhandelinge plaasvind om Boland-stadion die tuiste van sokker in die Boland te maak, en sodoende ook ’n gasheer te wees tydens die 2010 Węreldbeker.
“Hawekwa jeugterrein is reeds verkoop aan ons vennoot, Fidentia, en daar word beoog dat dit in ’n topgehalte sportakademie omskep sal word, waar ’n węreldbeker-toerspan gehuisves kan word.
“’n Argitek is aangestel wat die węreldgehalte stadion op Wellington se huidige stadion sal ontwerp teen ’n koste van R100 miljoen.
“R5 miljoen is die afgelope boekjaar reeds spandeer aan die stadion se geriewe en as die bod bewaarheid word sal beide paviljoene afgebreek word om plek te maak vir nuwes wat meer as 30 000 toeskouers sal kan huisves. Dit is dubbeld die hoeveelheid toeskouers wat die stadion tans kan dra.”
Onderhandelinge is aan die gang dat sokker in die nabye toekoms by Boland Stadion gespeel word, maar inwoners het hul kommer uitgespreek oor die groot getalle mense en voertuie wat op die gebied sal toesak.
Klagtes is ontvang oor skade wat reeds aan private eiendom gerig word wanneer rugbywedstryde daar plaasvind.
More
News
|
