Paarl gaan agteruit
2005-03-09
EK wil beaam wat A Reinke geskryf het in Paarl Post van 24 Februarie oor die agteruitgang van die Paarl.
Behalwe die see van warrelende plastieksakke, rollende bottels en leê blikke in Lady Greystraat as die straatverkopers smiddae vertrek, staar die leë geboue met blinde oë ons aan van talle besighede en kantore wat weens die agteruitgang van ons middedorp nie langer funksioneer nie.
Boonop raak behuising al skaarser (indien jy regtig hier wil woon). Vir jongmense is bekostigbare bewoning onbekombaar.
En dan is daar naweke die lawaai-nes in die stadsaal. Die gedoef-gedoef binne die stadsaal en die geskreeu en geparty buite in die straat is ondraaglik.
Doen tog iets asseblief, Paarl was dan altyd 'n sieraad.
SR
More
News
|
