Kaasmakers blink uit
2005-05-05
Paarlse kaasprodusente het uitgeblink by vanjaar se SA Suiwelkampioenskappe.
Fairview het ‘n Qualité Toekenning en drie kampioentrofeë ingeryg by die Suiweltoekenningsdinee op Stellenbosch.
Hul Roydon Camembert – wat drie jaar agtereenvolgens goud by die World Cheese Awards in Londen verower het – het ‘n Qualité Toekenning en ‘n SA kampioentrofee ingepalm. Fairview Bleu & Blanc en Cambazola is ook as kampioene bekroon.
Rhodes Food Group van Groot Drakenstein het drie kampioentrofeë weggedra met hul Bocconcini, Cambrieni en Franschhoek Angelot.
Dalewood Fromage het ‘n SA kampioentrofee met hul nuwe bloukaas, Dalewood Blue, verower.
Parmalat het die derde keer koning gekraai. Die suiwelreus se Tradisionele Dairy in Humansdorp. Die beurs – wat verlede jaar vir die eerste keer toegeken is – gee Knoetze die geleentheid om die fyner tegnieke van Cheddar-maak in dié kaas se land van oorsprong, die Verenigde Koninkryk, te gaan leer.
Die Qualité toekennings is vir hul Simonsberg tradisionele Feta, Royalty vanielje suiweroomys en Royalty Blueberry Cheesecake suiwelroomys.
Clover se Goua is bobaas. Hul beleë Gouda het 'n Qualité Toekenning en kampioentrofee gewen.
Zandam Pizza Mozzarella het aan die kaasmaker Mauro Delle Donne 'n Qualite toekenning en kampioentrofee besorg.
Die kampioenskappe het vanjaar 585 inskrywings gelok.
Kaas het verreweg die grootste kategorie uitgemaak met 412 kase wat deur die paneel beoordelaars bekyk, beruik en geproe is.
Vier kaasmakers, waaronder Vernon Manuel van Fairview. het die Franse Kaasmakersbeurs gewen om in Boergondië in Frankryk te studeer en meer te leer van die maak en bemarking van kaas.
More
News
|
