Klub is twintig
2007-01-25
DIE Een Plus Een Klub in die Paarl het onlangs sy 20-jarige bestaan gevier met ’n spoggerige dans by Laerskool Drakenstein.
Die klub is op 16 September 1986 gestig onder leiding van wyle dr Matie Brink van die Toringkerk en Anne-Marie McGregor, maatskaplike werker toe verbonde aan die ACVV.
Hul het gevoel daar bestaan ’n behoefde om enkellopende mense bymekaar te bring met die doel om sosiaal te verkeer en te ondersteun.
Lede is gewerf en by die eerste vergadering was daar reeds 50 enkellopende mans en dames.
’n Komitee is gekies en later is ’n grondwet opgestel.
Die doel van die Een Plus Een Klub is om sosiaal met mekaar te verkeer, uitstappies te reël, kerkbywoning, naweekkampe, konserte en kort toere.
Elke Dinsdagaand kom hulle by die Duitse Kerksaal bymekaar, maak musiek, eet en dans.
Kontak Marie by 073-307-7135 vir navrae.
More
News
|
