Man vas vir ontbloting
2007-02-01
'n JONG man wat verlede week op heterdaad betrap is toe hy homself na bewering aan ’n vrou ontbloot het, sit steeds agter tralies.
Die man het verlede Dinsdag buite Noordeind Laerskool na bewering voor ’n jong ma gaan staan, sy broek oopgerits en hom aan haar ontbloot.
Ooggetuies het hom agternagesit en hy is vasgetrek en aan die polisie oorhandig.
Jaco Nel (22) het verlede Woensdag in die Paarl Landdroshof verskyn en is borgtog van R300 aangebied, maar het tot dusver dit nie betaal nie. Hy bly dus steeds in aanhouding by Allandale gevangenis.
Daar word vermoed dat dit nie die eerste keer is dat die verdagte homself voor dié skool ontbloot nie en ouers word aangemoedig om klagtes te lê indien so iets vantevore gebeur het. Kontak insp Liezl Burden by 021-807-4000.
More
News
|
