Paarl-Oos klop Paarl in riller-stryd
2007-02-01
IN ’n spannende afskop tot die Boland Krieketraad se eendagkompetisie vir klubs het Paarl-Oos Krieketklub Saterdag vir Paarl naelskraap met een lopie geklop.
Op die New Orleans veld was dit die tuisspan wat eerste die kolf opgeneem het, nadat Novel Paarl die loot gewen het.
Manfred de Kock (70 4x9, 6x1) was GM Thorp Paarl-Oos se voorste lopiemaker, terwyl Morné de Vries (21 4x1), Jackie Daniels (20 4x3) en Elroy Abrahams (18nun) hom goed ondersteun het.
Rohan Goetham (3/29) het die besoekers se boulaanval gelei, met Lynal Fredericks (2/35) en Ockert Erasmus (2/41) wat ook paaltjies plattrek.
Paarl kon slegs 190/9 behaal in sy 45 kolfbeurte.
Dale Campbell, wat op 17 misgevang is, was die groot kanon met 56 lopies wat drie grenshoue ingesluit het.
Ander kolwers wat ook moedig probeer het, is Ultalyn Ernstzen (34 4x1, 6x1), Carlo Crotz (22 4x2) en Erasmus (22nun 4x1, 6x1).
Paarl-Oos se beste boulers was Garth Fortuin (2/34) en Dennis November (2/21).
Die Paarl-Oos boulers het dinge vir hulself moeilik gemaak met die afstaan van 35 ekstra lopies deur heelwat foutballe.
Op Parys-veld het Paarl-Oos II (247) vir Paarl (121) gemaklik gewen.
Werner Erasmus was Paarl-Oos se groot staatmaker. Nadat hy 26 lopies in die eerste beurt van die wedstryd gemoker het, het hy
aangegaan om 70 lopies van net 22 balle te behaal. In die proses het hy twee grenshoue en nege sesse geslaan.
Jarod Cupido (48 4x4, 6x2 en 3/13), Garth Lewis (32 4x5), Justin Watts (4/24) en Wayne Minnies (2/17) was die ander uitblinkers.
Die tuisspan se beste spelers was Peter-John de Villiers (4/54), Lee-Shane Samson (2/25), Faghrie Jacobs (36 4x3) en Graham Adams (38 4x4).
Op Daljosafat was Brackenfell III (191/4) te sterk vir Paarl-Oos III (190/9) in hul 60-beurt wedstryd.
Urchill Duminy (21 4x2), Dane Schoor (33 4x3, 6x1), Rick Pietersen (74 4x10, 6x1) en Kyle Julies (22 4x3) het goed gekolf vir Paarl-Oos.
Saterdag speel Paarl-Oos I (weg) en II (tuis) teen Bergrivier Krieketklub. Die derde span speel weg teen Oostelikes. Sondag speel Paarl-Oos I (weg) en II (tuis) teen Young Peoples. Paarl I (weg) en II (tuis) speel Saterdag teen Young Peoples, terwyl die spanne Sondag teen Bergrivier Krieketklub te staan kom.
More
News
|
