Leerkrag sterf tragies
2007-02-08
'n OUD-SKOOLHOOF van Alfons Primêr in Perdeberg, Sean Africa (42), het die naweek tragies gesterf.
Sy lyk is by sy huis in Annie Benjaminstraat, Paarl-Oos, opgehang gevind deur ’n buurvrou, Cornelia Swarts.
Tot dusver word geen misdaad vermoed nie en te midde van gerugte van huweliksprobleme en dwelmmisbruik, word vermoed dat hy selfmoord gepleeg het.
Oud-kollegas en vriende is erg geskok oor die dood van Africa, wat in die loop van verlede jaar uit sy pos ontslaan is, glo weens gereelde afwesigheid.
Bure van Africa het gesê dat hy die afgelope ruk stil voorgekom het.
Africa laat sy vrou Karen en vier kinders agter.
Die begrafnisdiens is Saterdag 11:00 by die St Stephen’s Kerk, New Orleans, gevolg deur ’n private verassing.
More
News
|
