Meisie verdwyn in middedorp
2007-03-08
’n MOEDER se angs oor haar dogtertjie se veiligheid is nog duidelik op haar gesig te lees, al is klein Kelly April ’n uur later veilig in die Paarlse middedorp gevind.
Kelly (2) het Saterdagoggend uit Clicks verdwyn terwyl sy en haar ma inkopies gedoen het.
Na ’n soektog tussen die rakke en toe straat-af en straat-op is die dogtertjie met die pienk haarlinte uiteindelik in ’n nabye klerewinkel opgespoor.
“Ek weet nie hoe sy daar gekom het nie,” het Zelda later gesê. “Kelly het gehuil. Sy wil my glad nie uit die oog verloor nie.”
Die angs oor haar dogter het weer die seer wakker gemaak van ses jaar gelede, toe haar seuntjie, toe ook twee, gesterf het in ’n brand wat deur sy pa gestig is.
Francois de Koker is later aan moord skuldig bevind.
“Ek het koue rillings. Dit voel soos gister en bring my weer tot stilstand.
“As Kelly moes ontvoer gewees het, sou ek nie geweet het wat om te doen nie. In sulke tye is daar nie raad wat jy vir jouself kan gee nie.”
* A mother is still in shock after her baby daughter disappeared in Paarl’s central business district on Saturday. She was reunited with her mother an hour later.
More
News
|
