Leer meer oor kanker
2005-05-19
DIT is nou jou kans om betrokke te raak en ’n verskil in jou gemeenskap te maak.
Die Kankervereniging van Suid-Afrika (Kansa) bied opleiding vir gesondheidsbevordering vrywillige werkers van 24 tot 26 Mei in die Paarl.
Die opleiding sal daagliks van 09:00 tot 16:00 plaasvind.
As jy bereid is om een uur per week as vrywilliger te werk, kan Kansa jou gebruik.
Kursusgangers sal inligting omtrent kanker ontvang met die fokus op voorkoming en vroeë opsporing. Daar sal van kursusgangers verwag word om hierdie inligting in die gemeenskap te versprei.
Onderwerpe sluit in wat is kanker, soorte kanker, waarskuwingstekens, diagnose en behandeling, tabak en verwante siektes en dieetverwante kankers.
Bogenoemde onderwerpe word deur mediese praktisyns van die Paarl en omgewing behandel en beloof om baie insiggewend te wees.
Belangstellendes kan Mareé Lambrechts skakel by 876-3589 gedurende kantoorure.
Los u naam en telefoonnommer op die antwoordmasjien en hulle sal spoedig terugskakel.
More
News
|
