Moedertaal gevier
2007-03-29
DIE Afrikaanse Taalmuseum het ‘n spesiale opvoedkundige program ter viering van Internasionale Moedertaaldag in die Toringkerksaal aangebied.
Dit is deur meer as 300 senior leerders van Hoër Landbouskool Boland, Klein Nederburg Senior Sekondêr, Noorder-Paarl Hoërskool, Wellington Sekondêr en Groendal Sekondêr bygewoon.
Die spreker was die bekende skrywer, EKM Dido, wat as ‘n “ware taalverkleurmannetjie” beskryf word, omdat sy ewe vlot in Afrikaans, Engels en Xhosa is.
Daarna het ‘n veeltalige poësie-aanbieding deur studente van die Dramadepartement van Stellenbosch gevolg.
Die doel van die program was om veeltaligheid te bevorder en groter begrip en verdraagsaamheid jeens verskillende taal- en kultuurtradisies teweeg te bring.
Vir meer inligting oor die Taalmuseum se opvoedkundige programme, kontak vir Esther van Heerden by 021-872-3441 of by opvoeding@taalmuseum.co.za.
More
News
|
