Uitstalling 'n moet
2007-04-12
MET ontvangs van die uitnodigingskaartjie na die ‘art on paper’-uitstalling by die De Kraal Galery is ’n mens onmiddellik beïndruk met die eenvoud, formaat, asook die puriteit daarvan.
Hierdie uitstalling duur tot 21 April en is ’n ondervinding wat kunsliefhebbers nie moet misloop nie.
Noodgedwonge laat die getal kunstenaars verteenwoordig sekere vrae ontstaan. Kan ’n galery met so ’n beperkte ruimte beskikbaar soveel kunstenaars ekonomies akkommodeer? Hoe kan sulke uiteenlopende style ’n mate van kontinuïteit skep?
Die kuratrise het haar puik van haar taak gekwyt - mure is neutraal geverf, alle kunswerke is eenvormig geraam en die spasiëring van werke weldeurdag.
Keramiekwerke op hierdie uitstalling is van hoogstaande gehalte en vorm ’n eenheid met die res van die werke.
Kontemporêre kuns word gejukstaponeer langs dié met ’n meer modernistiese inslag, op so ’n manier dat werke mekaar aanvul. - JduP
More
News
|
